کراچی: مومن آباد، ضیا موڑ پر ٹینکر نے 3 بچوں کو کچل دیا، ڈرائیور گرفتار

کراچی: سائٹ کے علاقے مومن آباد میں ضیا موڑ کے قریب تیز رفتار واٹر ٹینکر نے ایک ہی محلے کے 3 بچوں کو کچل دیا۔ تینوں بچوں کی لاشیں اسپتال منتقل کردی گئیں۔ تفصیلات کے مطابق کراچی میں سائٹ کے علاقے ضیا موڑ کے قریب ایک تیز رفتار واٹر ٹینکر نے گلی میں کھیلنے والے تین بچوں کو کچل دیا۔ ذرائع کے مطابق تینوں بچے ایک ہی محلے کے رہنے والے تھے جن کی لاشیں سول اسپتال منتقل کی گئیں۔ پولیس کا کہنا ہے کہ واٹر ٹینکر کا بریک فیل ہو جانے کے باعث حادثہ پیش آیا تاہم پولیس کے مطابق اہل محلہ نے فرار ہونے والے ڈرائیور کو پکڑ کر پولیس کے حوالے کردیا۔ حادثے کے بعد علاقے کی فضا سوگوار ہو گئی۔