Wednesday, August 4, 2021
- Advertisment -

مقبول ترین

لاک ڈاؤن کے باوجود کورونا کے مثبت کیسز کی شرح میں اضافہ

شہر قائد میں لاک ڈاؤن کے باوجود 24 گھنٹوں کے دوران کورونا کے مثبت کیسز کی شرح میں 3 فیصد اضافہ ہوا ہے۔ تفصیلات...

آرمی چیف کا پولیس کے شہداء کو بھرپور خراجِ عقیدت

آرمی چیف جنرل قمر جاوید باجوہ نے یوم شہدائے پولیس کے موقع پر شہداء کو بھرپور خراج عقیدت پیش کرتے ہوئے کہا کہ ملک...

کورونا موبائل ویکسی نیشن یونٹس نے کام شروع کردیا

کورونا موبائل ویکسی نیشن یونٹ نے کام شروع کردیا، 12 گاڑیوں پر مشتمل موبائل یونٹ شہر کے مختلف علاقوں میں شہریوں کو ویکسین لگائے...

لاک ڈاون میں شادی مہنگی پڑگئی، مہمانوں کی بجائے پولیس پہنچ گئی

 لاک ڈاون میں شادی مہنگی پڑگئی مہمانوں کی بجائے پولیس پہنچ گئی، ذرائع کے مطابق نشتر روڈ پر لاک ڈاون میں شادی کی تقریب...

نوازشریف نے کراچی جلسے میں تقریر کیوں نہیں کی؟ اعتزاز احسن کا بڑا دعویٰ

پاکستان پیپلز پارٹی کے سینئر راہنما بیرسٹر اعتزاز احسن نے کہا ہے کہ نوازشریف کو ایک بریگیڈیر کی کال گئی۔ جس کے بعد انہوں نے رضاکارانہ طور پر اپنی مرضی سے مقررین میں سے اپنا نام واپس لیا۔ نوازشریف تقریر کرنا چاہیں تو انہیں مولانا فضل الرحمن، بلاول بھٹو یا مریم نواز نہیں روک سکتیں۔

نجی ٹی وی چینل سے گفتگو کرتے ہوئے بیرسٹر اعتزاز احسن نے مزید کہا کہ میں چیلنج کرتا ہوں کہ نوازشریف تقریر کرکے دکھائیں۔ پہلے بھی یہ این آر او کرکے پاکستان سے چلے گئے تھے۔ آج بھی ٹیلی فون کال پر انہوں نے تقریر سے معذرت کرلی۔

اعتزاز احسن کا کہنا تھا کہ نوازشریف کے چھوٹے بھائی شہبازشریف اپنی مرضی سے جیل میں بیٹھے ہوئے ہیں۔ انہوں نے اپنی درخواست ضمانت واپس لی ہے۔ اس کا مطلب ہے کہ وہ خود چاہتے ہیں کہ جیل میں رہیں۔ جیلوں میں جس طرح خفیہ ملاقاتیں آسانی سے ہوتی ہیں، ویسے کسی اور طریقے سے ممکن نہیں ہوتیں۔ کسی کو کیا معلوم کہ شہبازشریف کے ساتھ اس وقت کون ملاقاتیں کررہا ہے، کس کے ساتھ کھانا کھارہے ہیں؟ دونوں بھائی ایک خاص ایجنڈے کے تحت چل رہے ہیں۔

راہنما پیپلز پارٹی نے حکومت کو بھی تنقید کا نشانہ بناتے ہوئے کہا کہ یہ بے وقوفوں کی حکومت ہے۔ ایک وزیر کہہ رہا ہے کہ واجب القتل ہیں، دوسرا کہہ رہا ہے کہ واپس نہیں آنے دیں گے، وزیراعظم انہیں ذلیل کرنے کی بات کررہے ہیں۔ اگر یہی باتیں ہوں گی تو برطانیہ کسی صورت نوازشریف کو پاکستان کے حوالے نہیں کرے گا۔ اعتزاز احسن کا کہنا تھا کہ کیپٹن (ر) صفدر نے قائداعظم کے مزار کو پامال کیا۔ میں وہاں نعرے بازی دیکھ کر لرز گیا ہوں۔ اس سے پاکستانیوں کو تکلیف ہوئی ہے۔