پولیس تحویل میں موجود حلیم عادل شیخ کے کمرے سے سانپ نکل آیا

ملیر میں گزشتہ دنوں ہونے والے ضمنی انتخابات کے دوران گرفتار کیے گئے پاکستان تحریک انصاف کے رہنما اور سندھ اسمبلی میں قائد حزب اختلاف حلیم عادل شیخ کے کمرے سے سانپ نکل آیا۔ حلیم عادل شیخ کے ترجمان کے مطابق پولیس کے ایس آئی یو کے کمرے سے سانپ نکلا ہے، ناشتہ لے جانے والے ملزم نے سانپ کی اطلاع دی ہے تاہم حلیم عادل نے سانپ کو ماردیا ہے، ترجمان نے کہا کہ اگر حلیم عادل شیخ کو کچھ ہوا تو اس کی ذمہ دار سندھ حکومت ہوگی۔