نیشنل کمانڈ اینڈ آپریشن سینٹر نے کورونا کیسز کے پیش نظر اسکول کھولنے کے طریقہ کار پر ںظر ثانی کا فیصلہ کیا ہے۔ گزشتہ روز این سی او سی کے سربراہ اسد عمر اور کوآرڈینیٹر لیفٹیننٹ جنرل حمودالزمان خان کے زیر صدارت ہونے والے اجلاس میں بڑھتے ہوئے کورونا کیسز کی صورتحال اور اس سے متعلق حکمت عملی کے بارے میں غور کیا گیا۔
نیشنل کماںڈ اینڈ آپریشن سینٹر نے کورونا کیسز میں اضافے کو مدنظر رکھتے ہوئے سینماؤں، شادی ہالز اور ریسٹقرینٹس کو دوبارہ کھولنے کے فیصلے کو واپس لینے پر غور شروع کردیا ہے جبکہ اجلاس میں فیصلہ ہوا کہ لاک ڈاؤن ختم کرنے کے حوالے سے اپریل کے دوسرے ہفتے میں نظر ثانی کی جائے گی۔
