اورنگی ٹاؤن میں رینجرز موبائل پر دھماکہ کرنے والے دہشت گردوں کی شناخت ہوگئی ہے جبکہ دھماکہ کا مقدمہ رینجرز اہلکار کی مدعیت میں کاؤنٹر ٹیررازم ڈیپارٹمنٹ میں نامعلوم ملزمان کے خلاف درج کرلیا گیا ہے۔ ایف آئی آر کے مطابق نامعلوم ملزم موٹر سائیکل کھڑی کر کے کچھ دور فاصلے پر کھڑا ہوگیا اور رینجرز موبائل قریب آنے پر دہشت گرد نے ریموٹ کنٹرول ڈیوائس سے دھماکہ کیا۔
ایف آئی آر کے متن کے مطابق دھماکے میں رینجرز اہلکار روشن شہید اور رینجرز اہلکاروں سمیت 11 افراد زخمی ہوئے جبکہ سی سی ٹی وی ویڈیو سے ملزمان کی شناخت بھی کرلی گئی ہے۔
