پاکستان ٹیلی کمیونیکیشن اتھارٹی(پی ٹی اے) نے چوری اور گمشدہ فون بلاک کرنے کے لئے نیا نظام نافذ کردیا، پی ٹی اے نے موبائل فونز بلاک کرنے کے نئے خود کار “گمشدہ اور چوری شدہ ڈیوائس سسٹم” کا آغاز کیا ہے۔ پی ٹی اے کا کہنا ہے کہ صارفین اپنے موبائل کے آئی ایم ای آئی بلاک کرانے کی درخواست دے سکتے ہیں، ایل ایس ڈی ایس ایک خود کار نظام ہے۔
پاکستان ٹیلی کمیونیکیشن کے مطابق چوری شدہ موبائل فون شکایت کے 24 گھنٹوں کے اندر بلاک کردیا جائے گا اور بلاک کرنے کی درخواست کے کامیاب اندراج کے بعد درخواست کنندہ کو حوالہ نمبر دیا جائے گا، گمشدہ فون ملنے پر شکایت کنندہ کو “ان بلاکنگ” کیلئے بھی اسی طریقہ کار پرعمل کرنا ہوگا، صارفین کو شکایتی حوالہ نمبر کے ساتھ دیگر لازمی تفصیلات بھی فراہم کرنا ہوں گی۔ پی ٹی اے نے بتایا کہ موبائل فون ان لاک ہوجانے پر صارف کو فراہم کردہ نمبر پرایک ایس ایم ایس موصول ہوگا۔
