Friday, November 27, 2020

بلاول بھٹو کے ذاتی اور سیکیورٹی اسٹاف کے 5 ارکان بھی کورونا کا شکار

‏بلاول بھٹو کے ذاتی اور سیکیورٹی اسٹاف کے 5 ارکان بھی کورونا کا شکار، بلاول ہاؤس کے دیگر ملازمین کو بھی کورونا
کی علامات، بلاول ہاؤس کے تمام افراد، اسٹاف کے کورونا ٹیسٹ کیے گئے-

واضح رہے اس سے قبل بلاول بھٹو نے جمعرات کی صبح اپنے ایک ٹویٹر پیغام میں اپنے کرونا ٹیسٹ پازیٹو آنے تصدیق کی تھی

نارتھ ناظم آباد میں لڑکی کی ٹارگٹ کلنگ

نارتھ ناظم آباد کے علاقے بلاک اے انٹرمیڈیٹ بورڈ آفس کے سامنے گلی میں کار پر فائرنگ سے ایک خاتون شدید زخمی ہوگئی جسے انتہائی تشویشناک حالت میں عباسی شہید اسپتال لے جایا جا رہا تھا کہ وہ زخموں کی تاب نہ لاتے ہوئے دم توڑ گئی۔
مقتولہ کی شناخت 22 سالہ فاطمہ دختر شیخ فیروز بنگالی کے نام سے ہوئی واقعے کی اطلاع ملتے ہی پولیس اور رینجرز حکام موقع پر پہنچ گئے اور گاڑی کو گھیرے میں لے کر شواہد جمع کیے اس حوالے سے ایس ایچ او نارتھ ناظم آباد راشد علی نے بتایا کہ ابتدائی تحقیقات میں واقعہ ذاتی رنجش کا شاخسانہ معلوم ہوتا ہے۔

فائرنگ کا نشانہ بننے والی فاطمہ خود گاڑی چلاتے ہوئے اپنی چھوٹی بہن اور دیگر 2 لڑکیوں جو کہ کار کی عقبی سیٹ پر بیٹھی تھیں ان کے ہمراہ انٹرمیڈیٹ بورڈ آفس کسی کام سے آئی تھی اور جب وہ واپس جا رہی تھی تو موٹر سائیکل سوار 2 ملزمان نے ان کا تعاقب کیا جس سے خوفزدہ ہو کر فاطمہ اپنی گاڑی بورڈ آفس کے سامنے والی گلی میں لے گئی تاہم ملزمان سے ایک نے انھیں کار کے قریب آکر ڈرائیونگ سائیڈ سے ایک گولی فائر کی جو گردن پر لگنے کے بعد دوسری جانب پار ہوگئی۔

پولیس کو جائے وقوعہ سے 30 بور پستول کا ایک خول اور گاڑی کے اندر چلائی گئی گولی کا سکہ برآمد کر کے قبضے میں لے لیا، مقتولہ شادی شدہ اور ایک بچی کی ماں تھی جبکہ ان کا والد شیخ فیروز بنگالی پیپلز پارٹی کے سابق ٹاؤن ناظم اورنگی ٹاؤن بھی رہے چکے ہیں جبکہ وہ آل پاکستان بنگالیز ایکشن کمیٹی کے کنوینر بھی ہیں جبکہ اس ضمن میں مقتولہ کے بھائی فیصل سے رابطہ کیا تو انھوں نے بتایا کہ وہ ابھی اس واقعے سے متعلق کچھ نہیں بتا سکتے، مقتولہ گلشن اقبال بلاک تیرہ ڈی رہائشی تھی جس کی لاش پولیس نے ورثا کے حوالے کر دی

بھٹو خاندان کے لئے خوشی کا دن

بھٹو خاندان کے لئے خوشی کا دن، بختاور بھٹو کی منگنی آج، بلاول ہاؤس کراچی میں منگنی کی تقریب اوپن ایریا میں ہوگی، بختاور بھٹو کی منگنی میں کوئی وزیر مدعو نہیں، کورونا کے وار نے خوشی کی تقریب کا رنگ بھی پھیکا کردیا، بلاول بھٹو کورونا کے باعث قرنطینہ میں ہیں تقریب میں شریک نہیں ہونگے، مہمانوں کو کورونا ٹیسٹ رپورٹ بلاول ہاؤس انتظامیہ کو بھجوانا ہوگی، کورونا کے باعث تقریب کے شرکاء کی تعداد محدود رکھی گئی ہے۔

مہندی کے کارخانے میں آتشزدگی

اورنگی ٹاؤن 4 نمبر کے قریب مہندی بنانے والے کارخانے میں آتشزدگی، فائر بریگڈ کی 3 گاڑیوں نے آگ پر قابو پا لیا، آگ لگنے سے 2 افراد جھلس کر جاں بحق، لاشیں ہسپتال منتقل، جاں بحق افراد کی شناخت اکرم اور شاہد کے نام سے ہوئی، ریسکیو ذرائع۔

ضلع وسطی کے مزید علاقوں میں اسمارٹ لاک ڈاؤن

ضلع وسطی کے مزید علاقوں میں اسمارٹ لاک ڈاؤن نافذ،  گلبرک، نارتھ ناظم آباد، لیاقت آباد، نارتھ کراچی کی متاثرہ گلیوں میں اسمارٹ لاک ڈاؤن، لاک ڈاؤن 26 نومبر سے 10 دسمبر تک جاری رہے گا، فارمیسی اور ضروری اشیاء کے اسٹورز کے علاوہ تمام کاروبار بند رہیں گے، متاثرہ علاقوں میں تمام ایس او پیز پر سختی سے عمل درآمد کرایا جائے۔ حکم نامہ

ڈیفنس فیز4 میں مُبینہ پولیس مقابلہ

ڈیفنس فیز 4 میں امام بارگاہ کے قریب مُبینہ پولیس مقابلہ، پولیس اور ڈاکوؤں کے مابین فائرنگ کا تبادلہ، فائرنگ کے تبادلے میں 5 ڈاکو مارے گئے،ایس ایس پی ساؤتھ۔ سرائیکی گینگ کے ہلاک ملزموں سے اسلحہ بھی برآمد ہوا، 3 ملزموں کی شناخت ریاض، عابد، غلام مصطفیٰ کے نام سے ہوئی، ملزم فیز4 میں گھر میں ڈکیتی کے لئے داخل ہوئے تھے، ملزموں نے پولیس کو دیکھتے ہی فائرنگ کردی، پولیس۔

ملٹری ٹیلی پیتھی، فوجیوں کا دماغ پڑھا جاسکے گا

امریکی فوج کا تحقیق ادارہ ’’آرمی ریسرچ آفس‘‘ (اے آر او) آج کل ایک ایسے اچھوتے منصوبے پر کام کررہا ہے جس کے مکمل ہونے کے بعد فوجیوں کے دماغ پڑھے جاسکیں گے اور صرف ’’دماغی رابطے‘‘ کے ذریعے ہی انہیں براہِ راست کوئی حکم دیا جاسکے گا۔ جنگی میدان میں انفارمیشن ٹیکنالوجی کے استعمال سے متعلق مستند امریکی ویب سائٹ نے بتایا کہ امریکی فوج اس منصوبے پر آئندہ ایک سال کے دوران 62 لاکھ 50 ہزار ڈالر خرچ کرے گی۔

اسسٹنٹ کمشنر ناظم آباد کی کارروائی، پیٹرول پمپ سیل

اسسٹنٹ کمشنر ناظم آباد کی کارروائی، ویمن جناح یونیورسٹی سے متصل پیٹرول پمپ سیل، اسسٹنٹ کمشنر کے مطابق پیٹرول پمپ کا لائسنس ختم ہونے کے باوجود اسے غیر قانونی طورپر چلایا جارہا تھا جس کے باعث اس سیل کردیا گیا

وزیراعظم کی کراچی منصوبے جلد مکمل کرنے کی ہدایت

وزیر اعظم عمران خان کی زیر صدارت کراچی ٹرانسفارمیشن پلان کے حوالے سے اعلیٰ سطح کا اجلاس منعقد ہوا جس میں چیف آف آرمی اسٹاف جنرل قمر جاوید باجوہ، وفاقی وزراء نے شرکت کی۔ اجلاس کو بتایا گیا کہ کراچی ٹرانسفرمیشن پلان کے تحت 100 سے زائد منصوبوں کی منصوبہ بندی کی جا چکی ہیں جو 1.117 ٹریلین روپے کی لاگت سے مکمل ہونگے، وزیر اعظم نے کہا کہ ہر سال مون سون کے دوران کراچی میں برساتی پانی سے ہونے والے نقصانات کا سبب نالوں پر غیر قانونی تعمیرات ہیں، تجاوزات ہٹانے سے پہلے وہاں کے مستحق مکینوں کے لئے پیشگی متبادل انتظامات کو یقینی بنایا جائے۔

سندھ حکومت نے تاجر برادری کے سامنے گھٹنے ٹیک دیئے

تاجرتنظیموں کے 72 گھنٹوں کے الٹی میٹم کے سامنے سندھ حکومت ڈھیر ہوگئی، دکانیں رات 8 بجے تک کھولنے کی اجازت دینے پر مجبور ہوگئی، ترجمان سندھ حکومت مرتضیٰ وہاب نے میڈیا جاری بیان میں کہا ہے کہ تاجر ایس او پیز کا خیال رکھیں اور دکانیں رات 8 بجے تک کھول سکتے ہیں

سندھ بار کے انتخابات ملتوی ہونے پروکلا کا احتجاج

سندھ بار کونسل کے انتخابات ملتوی ہونے پروکلا کا احتجاج، وکلا کی بڑی تعداد ایڈووکیٹ جنرل سندھ کے دفتر کے باہر جمع، نعرے بازی جاری، وکلا رہنماوں نے مطالبہ کیا کہ سندھ بار کونسل کے انتخابات ملتوی کرنے کا فیصلہ واپس لیا جائے

نیوزی لینڈ کی پاکستانی ٹیم واپس بھیجنے کی دھمکی

پاکستان کرکٹ ٹیم نے گوروں کے دیس میں قوم کو رسوا کرادیا، نیوزی لینڈ نے قومی کرکٹ ٹیم کو واپس بھیجنے کی دھمکی دیدی، نیوزی لینڈ کی وزارت صحت نے 6 پاکستانی کھلاڑیوں کی کورونا رپورٹ مثبت آنے پر ایس او پیز کی خلاف ورزی پر پاکستانی ٹیم کو واپس بھیجنے کی وارننگ دیدی، میڈیا ذرائع کے مطابق سابق کپتان سرفراز احمد، روحیل نذیر ،نسیم شاہ سمیت 6 کھلاڑیوں کے کورونا رپورٹ مثبت آئی ہے

Open chat