Saturday, November 28, 2020
- Advertisment -

مقبول ترین

خاقان مرتضیٰ ڈی جی سول ایوی ایشن تعینات

سول ایوی ایشن کا ڈی جی تعینات، ذرائع سی اے اے کے مطابق فلائٹ لیفٹیننٹ ریٹائرڈ خاقان...

ملازمت سے برطرفی، اسٹیل مل کے ملازم کو دل کا دورہ

ملازمت سے برطرفی کا سن کر اسٹیل مل کے ملازم کو دل کا دورپڑگیا، حبیب الرحمن کو اس...

سندھ بار کونسل انتخابات، وکلا کا احتجاج رنگ لے آیا

وکلا کا احتجاج رنگ لے آیا، سندھ بارکونسل کےانتخابات ملتوی کرنے کا نوٹی فکیشن واپس. ایڈووکیٹ جنرل...

لاک ڈاؤن ، سندھ حکومت کا نیا نوٹیفکیشن جاری

کورونا لاک ڈاؤن کے حوالے سے سندھ حکومت نے نیا نوٹیفکیشن جاری کردیا ہے. نوٹیفکیشن میں کاروباری...

بچوں سے زیادتی،وزیراعلیٰ ہائوس میں خصوصی ڈیسک قائم

cm houseکراچی وزیراعلیٰ سندھ سید مراد علی شاہ نے محکمہ تعلیم کو بچوں کے حوالے سے خصوصی اقدامات اٹھانے کی ہدایات جاری کر دیں۔ انہوں نے کہا کہ زینب اس قوم کی بیٹی تھی جس کے ساتھ ہونے والی درندگی نے ہم سب کو جھنجھوڑ دیا ہے، ایسے افسوسناک واقعات روکنے کے لیے قانون کو فوری طور پر حرکت میں آنا چاہیے۔ سید مراد علی شاہ نے کہا کہ اسکولوں میں بچوں کو خصوصی تعلیم دینا بھی بہت ضروری ہے۔ انہوں نے کہا کہ سندھ کے تمام اسکولوں میں بچوں کو جنسی ذیادتی سے بچنے کے لیے تیار کیا جائیں اور والدین کو بھی اس آگاہی مہم کا حصہ بنایا جائے۔ بچوں کو اپنے ساتھ ہونے والی زیادتی کو رپورٹ کرنے کی بھی آگاہی دی جائے اور سکھایا جائے کہ ان کے ساتھ ہونے والی بری حرکت میں اس بچے یا بچی کا قصور نہیں۔ معصوم بچوں کے ساتھ ہونے والی کسی بھی قسم کی ذیادتی برداشت نہیں کی جائے گی۔ اس حوالے سے اساتذہ کو بھی تربیت دی جائے۔وزیراعلیٰ سندھ سید مراد علی شاہ کی ہدایات پر وزیر اعلیٰ ہائوس میں بچوں سے زیادتی کے واقعات کے سدِباب کے لیے خصوصی ڈیسک قائم کردیا گیا ہے،یہ ڈیسک وزیر اعلیٰ ہائوس کی کمپلینٹ سیل میں قائم کیا گیا ہے جہاں 7/24 شکایت وصول کی جائیںگی۔ کمپلینٹ سیل میںبچوں سے ہونے والی کسی بھی قسم کی زیادتی سے متعلق فون نمبرز 02199202080, 02199202081, 02199207568, 02199207394 اور 919 پررابطہ کرکے شکایات درج کرائی جاسکتی ہیں، جن کے ازالے کے لیے سیل میں موجود اہلکار فوری کارروائی کریں گے۔ وزیر اعلیٰ سندھ نے کہا کہ معاشرے میں اس حوالے سے آگہی اور شعور بیدار کیا جائے۔انہوں نے پولیس انتظامیہ پر زور دیتے ہوئے کہا کہ پولیس و دیگر قانون نافذ کرنے والے ادارے اس حوالے سے کسی بھی قسم کی شکایت موصول ہونے پر فوری کارروائی کریں۔وزیر اعلیٰ سندھ نے اس بات کا عزم کیا کہ ہمیں اپنے معاشرے کو اس لعنت سے پاک کرنے کے لیے تمام تر اقدامات کرنے ہیں اور مذموم عناصر کی سرگرمیوں پر کڑی نگاہ رکھنی ہے

Open chat