کمشنر کراچی کے انڈوں اور مرغی کی مہنگائی کی روک تھام کے لئے نئے اقدامات

کمشنر کراچی افتخار شالوانی نے مرغی اور انڈوں کی مہنگائی کی روک تھام اور اور ان کی قیمت ہول سیل میں شفاف طریقہ سے مقرر کرنے کے لئے مرغی اور انڈوں کی ہول سیل خریدو فروخت کے اوپن آکشن کا نظام نافذ کرنے کا فیصلہ کیا ہے جس کے تحت مرغی اور انڈوں کی خرید و فروخت کو مارکیٹ کمیٹی کے قواعد اور طریقہ کار سے مشرو ط کیا جائے گا، فیصلہ پر 10 دسمبر سے عملدرآمد کیا جائے گا۔ نوٹیفکیشن کے مطابق انڈوں اور مرغی کے گوشت کی خرید و فروخت صرف نیو سبزی منڈی میں مارکیٹ کمیٹی کے قواعد کے تحت اوپن آکشن کے ذریعے ہوسکے گی۔ تمام ڈیلرز، خریدار اور کوئی بھی شخص اس طریقہ کار کے تحت خریدو فروخت پا بند ہوگا۔