Wednesday, October 21, 2020
Home خاص خبریں صحت، تعلیم، فلاحی ادارے فلاح انسانیت فاﺅنڈیشن کی جانب سے تھر متاثرین میں 60 لاکھ روپے...

فلاح انسانیت فاﺅنڈیشن کی جانب سے تھر متاثرین میں 60 لاکھ روپے کا خشک راشن تقسیم

JUD pic 03جماعة الدعوة کے رفاہی ادارے فلاح انسانیت فاﺅنڈیشن کراچی کی جانب سے تھرپارکر کے قحط سے متاثرہ 2 ہزار خاندانوں میں خشک راشن تقسیم کیا گیا۔ 60 لاکھ روپے مالیت کے راشن پیک میں آٹا، چینی، چاول، گھی، دالیں اور دیگراشیاءخور و نوش شامل ہیں۔ امدادی سامان جماعة الدعوة کراچی کے ذمہ داران نے تھرپارکر کی تحصیلوں چھاچھرو، ڈیپلو، کلوئی ، اسلام کوٹ اور ننگر پار کے دور دراز گوٹھوں میں خود تقسیم کیا۔ کراچی سے ضلعی و تحصیلی ذمہ داران کا وفد امدادی سامان کے ہمراہ ضلعی ناظم محمد مبین کی قیادت میں تھر روانہ ہوا، وفد میں ان کے ہمراہ ثناءاللہ بھٹی، کاشف ضیاء، وقاص نواز، جواد امین، اسامہ خالد، فیصل ہارون و دیگر ذمہ داران بھی شامل ہیں۔ جماعة الدعوة کراچی کے وفد نے دورہ تھرپارکر کے موقع پر مختلف تحصیلوں اور گوٹھوں کا دورہ کرکے صورت حال کا جائزہ لیا اور متاثرہ خاندانوں میں امدای سامان بھی تقسیم کیا۔ علاوہ ازیں فلاح انسانیت فاﺅنڈیشن نے تھرپارکر میں صاف پانی کی فراہمی کے لیے واٹر پروجیکٹس کی تعمیر کا سلسلہ تیز کردیا ہے۔ رواں ماہ تھر کی مختلف تحصیلوں میں پانچ واٹر پروجیکٹس مکمل کر لیے گئے ہیں۔ جبکہ درجنوں کنوﺅں و ہینڈ پمپز کی تعمیر جاری ہے۔ ایف آئی ایف واٹر پروجیکٹ کے تحت تعمیر کیے گئے نئے کنویں اسلام کوٹ کے علاقے تلوجوتڑا، ڈیپلو کے علاقے پانیلو، چھاچھرو کے علاقے کھکھینال رحم علی، انٹری اور جھانگرو میں مکمل کیے گئے ہیں۔ فلاح انسانیت فاﺅنڈیشن پاکستان کے چیئرمین حافظ عبدالرﺅف نے گزشتہ روز دورہ تھر کے موقع پر گفتگو کرتے ہوئے کہا کہ تھر میں بنیادی مسائل کے خاتمے کے لیے فلاح انسانیت فاونڈیشن اپنا ریلیف آپریشن تیزی سے جاری رکھے ہوئے ہے۔ تھر کے عوام کو صحت کی مفت سہولیات پہنچانے کے لیے فلاح انسانیت فاﺅنڈیشن شب و روز کوشاں ہے۔ رواں ماہ پنجاب و سندھ سے مزید طبی و امدادی ٹیمیں تھرپارکر پہنچیں گی۔ انہوں نے کہا کہ فلاح انسانیت فاﺅنڈیشن بڑے پیمانے پر تھرپارکر میں اپنے فلاحی پروجیکٹس پر کام کر رہی ہے۔ واٹر پروجیکٹس کے ساتھ ساتھ مٹھی میں ایجوکیشنل اینڈ میڈیکل کمپلیکس کی تعمیر بھی تیزی سے جاری ہے۔ حافظ عبدالرﺅف نے اس عزم کا اظہار کیا کہ تھر کے باسیوں کو مشکل کی اس گھڑی میںتنہا کا احساس نہیں دلائیں گے، ہر سطح پر ان کی بھرپور مدد کی جائے گی۔

LEAVE A REPLY

Please enter your comment!
Please enter your name here

- Advertisment -

Most Popular

شیریں جناح کالونی دھماکے میں ایک کلو بارود استعمال ہوا

کراچی، شیریں جناح کالونی بم دھماکے کے حوالے سے سی تی ڈی انچارج راجہ عمرخطاب نے میڈیا سے گفتگو کرتے ہوئے کہا...

سندھ پولیس اچھا کرے یا برا، صوبائی حکومت ذمہ دار ہے، گورنر

کراچی، گورنر سندھ عمران اسماعیل نے پولیس افسران کی چھٹیوں کے حوالے سے گفتگو کرتے ہوئے کہا سندھ پولیس اچھا کرے یا...

بچوں سے زیادتی، زیڈ ٹی کا ہدایت کارعظیم احمد سے معاہدہ

کراچی ، سائن انٹر ٹیمنٹ اور زیڈ ۔ٹی (کامران شریف)کا اپنی نئی ڈرامہ سیریلز ،سٹ کام ، ٹیلی فلمز کے لےے ڈرامہ...

سندھ حکومت کا پولیس افسران کی چھٹیاں منظور نہ کرنے کا فیصلہ

کراچی، سندھ حکومت نے پولیس افسران کی چھٹیاں منظور نہ کرنے کا فیصلہ، صوبائی حکومت کے ذرائع کا کہنا ہے کہ کسی...