کراچی میں آج صبح بھی ریکارڈ سردی رہی، درجہ حرارت 5 ڈگری سینٹی گریڈ تک محسوس کیا گیا۔ محکمہ موسمیات کے مطابق شہر قائد میں سائبیرین ہواؤں کا راج ہے جس سے موسم مزید سرد ہوگیا ہے۔ آئندہ 24 گھنٹوں کے دوران موسم خشک اور سرد رہنے کا امکان ہے۔
محکمہ موسمیات نے کہا کہ کراچی میں موجودہ سردی کی لہر مزید کچھ روز تک برقرار رہے گی۔ آج زیادہ سے زیادہ درجہ حرارت 23 ڈگری اور کم سے کم درجہ حرارت 7 سے 9 ڈگری سینٹی گریڈ رہنے کا امکان ہے۔ شمال مشرقی سمت سے ہوائیں 8 کلو میٹر فی گھنٹہ کی رفتار سے چل رہی ہیں جن میں نمی کا تناسب 39 فیصد ہے۔
