بجلی کی قیمتوں میں 48 پیسےفی یونٹ اضافہ

نیشنل الیکٹرک پاور ریگولیٹری اتھارٹی (نیپرا) کی جانب سے بجلی کی قیمتوں میں ایک ماہ کیلئے 48 پیسےفی یونٹ اضافہ کر دیا گیا ہے۔ ذرائع کے مطابق نیپرا کا کہنا ہے کہ بجلی کی قیمت میں اضافہ اگست کے فیول پرائس ایڈجسٹمنٹ کی مد میں کیا گیا ہے۔ اگست میں بجلی کی پیداواری لاگت 3روپے 68 پیسےفی یونٹ رہی۔ نیپرا نے گزشتہ ماہ 83 پیسے فی یونٹ کا اضافہ کیا تھا جس سے صارفین پر10 ارب روپے سے زائد کا اضافی بوجھ پڑا۔ گزشتہ ماہ اضافہ جولائی 2020 کی ایڈجسٹمنٹ کی مد میں کیا تھا۔