Wednesday, October 28, 2020
Home Trending حوصلہ شکنی کے بجائے ورلڈ کپ پر توجہ دینی چاہئے، معین خان

حوصلہ شکنی کے بجائے ورلڈ کپ پر توجہ دینی چاہئے، معین خان

moin-khanکراچی، پی سی بی کے چیف سلیکٹر اورقومی کرکٹ ٹیم کے منیجر معین خان نے کہا ہے کہ سری لنکا کی ٹیم ہمیشہ ہماری سخت حریف رہی ہے، ٹیسٹ اور ون ڈے سیریز کے نتائج پرحوصلہ شکنی کے بجائے عالمی کپ پر توجہ مرکوز کرنے کی ضرورت ہے۔
سری لنکا کے خلاف سیریزکے اختتام پرکولمبو سے کراچی پہنچے کے بعد جناح انٹرنیشنل ایئر پورٹ پر نمائندہ ایکسپریس سے مختصر گفتگو کرتے ہوئے سابق ٹیسٹ کپتان معین خان نے کہا کہ وہ فی الحال دورہ سری لنکا کے حوالے سے قومی کرکٹ ٹیم کی کارکردگی پر اظہار خیال نہیں کر سکتے، تاہم اس ضمن میں اپنی تفصیلی رپورٹ تیار کرکے بورڈ کو پیش کر دوں گا جس میں تمام پہلوﺅں کا مکمل تجزیہ شامل ہوگا۔

انھوں نے کہا کہ سری لنکا کے خلاف سیریز آسان نہ تھی، تاہم بدقسمتی پاکستان کے آڑے آگئی، انھوں نے ٹیسٹ سیریز میں نوجوان وکٹ کیپر بیٹسمین سرفراز احمد کی کارکردگی کی تعریف کرتے ہوئے کہا کہ انھوں نے مشکل حالت میںاعتمادکے ساتھ وکٹ پر کھڑے ہوکر اپنی اہلیت ثابت کی، انھوں نے کہا کہ ون ڈے سیریز میں نوجوان کھلاڑیوں احمد شہزاد، فواد عالم اورصہیب مقصود نے بھی اچھی بیٹنگ کرکے اپنے انتخاب کودرست ثابت کیا۔

معین خان نے کہا کہ ہمیں مثبت سوچ کا اپنانا ہوگا، منفی رویہ اختیار کرنے سے ہدف کے حصول میں دقت ہوتی ہے، اب ہماری نظریں ورلڈ کپ پر ہونی چاہیں، قبل ازیں قومی کرکٹ ٹیم کے کھلاڑی اورآفیشلز خاموشی کے ساتھ واپس وطن پہنچے، کراچی پہنچے والے کھلاڑیوں میں شاہد خان آفریدی، فواد عالم، انور علی، شرجیل خان اور صہیب مقصود بھی شامل تھے ، قومی ٹیم کے کپتان مصباح الحق، ہیڈ کوچ و سابق ٹیسٹ کپتان وقار یونس، دیگر کھلاڑی اور آفیشلز دیگر پروازوں سے لاہور اور پشاور روانہ ہوگئے۔

LEAVE A REPLY

Please enter your comment!
Please enter your name here

- Advertisment -

Most Popular

کاروباری مراکز،شادی ہالز رات 10 بجے بند کرانے کا فیصلہ

کراچی، نیشنل کمانڈ اینڈ آپریشن سینٹر کا بڑا فیصلہ، کاروباری مراکز ، شادی ہالز اور ریسٹورینٹس رات 10 بجے بند کرانے کا...

کراچی ،12 ربیع الاول کے جلوسوں کے لئے ٹریفک پلان جاری

کراچی میں 12ربیع الاول کے جلوسوں کے حوالے سے ٹریفک پلان جاری کردیا گیا ہے۔ٹریفک پولیس کے مطابق دعوت اسلامی کا جلوس...

کراچی میں ڈینگی وائرس سر اٹھانے لگا ، اکتوبر کےمہینے میں دیگر مہینوں سے زیادہ کیسسز رپورٹ

کراچی میں ڈینگی وائرس سر اٹھانے لگا، اکتوبر کےمہینے میں دیگر مہینوں سے زیادہ کیسسز رپورٹ ہوئے۔ محکمہ صحت سندھ اکتوبر کے...

سرجانی ٹاون، گھرمیں چھریوں کے وار سے ایک خاتون ومرد قتل، ریسکیو ذرائع

کراچی: سرجانی ٹاون سیکٹر 4 ڈی میں گھر میں چھریوں کے وار سے ایک خاتون و مرد قتل، ریسکیو کے مطابق دونوں...