متحدہ قومی موومنٹ اور پاکستان پیپلز پارٹی میں مذاکرات جاری ہیں جس میں سندھ کی حکمران جماعت نے ایم کیو ایم کو بڑی پیشکش کردی ہےمشترکہ اپوزیشن کی 14 قائمہ کمیٹیاں خالی ہیں جن میں سے 6 قائمہ کمیٹیوں کی سربراہی ایم کیو ایم کو دی جاسکتی ہے۔ کمیٹی چیئرمین شپ کے ساتھ ایم کیو ایم اراین کو سرکاری گاڑیاں اور فیول بھی ملے گا۔ذرائع کا کہنا ہے کہ ایم کیو ایم کی جانب سے پیپلز پارٹی کی اس پیشکش کا فوری جواب دینے کے بجائے پارٹی لیڈر شپ سے مشاورت اور اجازت کے بعد اس حوالے سے حتمی فیصلہ کرنے کا کہا گیا ہے۔اس سے قبل ایم کیو ایم نے پی ٹی آئی کے دور حکومت میں اتحاد کے وقت بھی قائمہ کمیٹیوں کی چیئرمین شپ لینے سے معذرت کی تھی۔
