چیئر مین پاک سر زمین پارٹی سید مصطفیٰ کمال نے لیاقت آباد سے تعلق رکھنے والے تاجر برادری کے وفد سے بات کرتے ہوئے کہا کہ عوام کیلئے دو وقت کی روٹی کا حصول نا ممکن بن گیا ہے، محسوس ہوتا ہے کہ حکمران غربت مٹانے نہیں بلکہ غریب مٹانے آئے ہیں۔
سید مصطفیٰ کمال نے کہا کہ نا اہل حکمران ہر شعبے میں ناکامی کے سبب معیشت اور ملک کے ساتھ بھیانک کھیل کھیل رہے ہیں جس کا ملک کو ناقابلِ تلافی نقصان پہنچ رہا ہے۔
