کراچی میں نئے سال کا آغاز سردی کا 10 سالہ ریکارڈ ٹوٹنے سے ہوا، آج کم سے کم درجہ حرارت 6 ڈگری سینٹی گریڈ ریکارڈ کیا گیا۔ محکمہ موسمیات کے مطابق سال 2011ء میں درجہ حرارت 7 ڈگری سینٹی گریڈ تک ریکارڈ کیا گیا تھا۔
محکمہ موسمیات کا کہنا ہے کہ آئندہ 24 گھنٹوں کے دوران موسم سرد اور خشک رہنے کا امکان ہے جبکہ آج زیادہ سے زیادہ درجہ حرارت 23 ڈگری سینٹی گریڈ رہے گا۔ شمال مشرقی سمت سے ہوائیں 10 کلو میٹر فی گھنٹہ کی رفتار سے چل رہی ہیں جن میں نمی کا تناسب 46 فیصد ہے۔
