صدر مملکت عارف علوی نے 30 اپریل کو پنجاب میں انتخابات کرانے کا اعلان کردیا۔ صدر مملکت نے الیکشن کمیشن کی جانب سے تجویزکردہ تاریخوں پر غور کے بعد اعلان کیا۔میڈیا رپورٹس کے مطابق صدر مملکت عارف علوی نے 30 اپریل کوپنجاب اسمبلی کے عام انتخابات کرانے کی منظوری دے دی۔ الیکشن کمیشن نے صدر کو 30 اپریل سے 7 مئی تک کی تاریخیں تجویز کیں اور انتخابات ترجیحاً اتوار کے روزکرانے کی تجویزبھی دی تھی۔الیکشن کمیشن نے اہم اجلاس کے بعد سپریم کورٹ کےفیصلے کی روشنی میں عام انتخابات کیلئے خط صدرمملکت کو ارسال کیا تھا۔ الیکشن کمیشن کا کہنا تھا کہ صدر مملکت کی جانب سے تاریخ ملنے کے بعد الیکشن کمیشن اپنے آئینی اور قانونی فرائض انجام دینے کے لئے تیار ہے۔الیکشن کمیشن اعلامیہ میں کہا گیا تھا گورنر خیبر پختونخوا کو بھی مراسلہ بھیجا ہے ۔ جس میں تحریر کیا گیا ہے کہ سپریم کورٹ کے حکم کی روشنی میں الیکشن کمیشن آپ کے جواب کا منتظر ہے۔واضح رہے سپریم کورٹ نے الیکشن کمیشن کو پنجاب اور خیبر پختونخوا میں نوے روز میں انتخابات کرانے کا حکم دے دیا ہے۔ سپریم کورٹ نے فیصلہ تین دو کی اکثریت سے سنایا، عدالتی فیصلے میں کہا گیا ہے کہ پارلیمانی جمہوریت میں انتخابات اہم عنصر ہیں، اسمبلی کی تحلیل کے بعد نوے روزمیں الیکشن ہونا لازم ہے
