قیوم آباد چورنگی کے قریب مبینہ پولیس مقابلے میں 2 ڈاکوؤں کو زخمی حالت میں گرفتار کرلیا گیا ہے۔ پولیس کے مطابق قیوم آباد چورنگی کے قریب 2 موٹر سائیکل سوار ملزمان شہری سے لوٹ مار کررہے تھے کہ پولیس موقع پر پہنچ گئی، ملزمان نے پولیس کو دیکھتے ہی پولیس پر فائرنگ کر کے فرار ہونے کی کوشش کی تو پولیس نے بھی فائرنگ کردی، جس کے نتیجے میں دونوں ڈاکو زخمی ہوگئے۔
پولیس کا کہنا ہے کہ دونوں ملزمان کو گرفتار کرکے طبی امداد کے لیے جناح اسپتال منتقل کردیا گیا ہے، ملزمان کی شناخت حبیب اللہ اور ابراہیم کے نام سے ہوئی ہے، گرفتار ملزمان کے قبضے سے 2 پستول اور 1 موٹر سائیکل برآمد ہوئی ہے۔
