بدھ, دسمبر 7, 2022
spot_imgspot_imgspot_img
Homeکھیلشاہد آفریدی کا بابر اعظم کو تیسرے نمبر پر کھیلنے کا مشورہ

شاہد آفریدی کا بابر اعظم کو تیسرے نمبر پر کھیلنے کا مشورہ

پاکستان کرکٹ ٹیم کے آل راؤنڈر اور سابق کپتان شاہد آفریدی نے بابر اعظم کو اوپنگ نہ کرنے کا مشورہ دیا ہے۔

نجی چینل پر گفتگو کرتے ہوئے شاہد آفریدی نے پاکستان کے ٹی ٹوئنٹی ورلڈ کپ کے سیمی فائنل میں پہنچنے پر کپتان بابر اعظم کے لیے پیغام جاری کیا۔

شاہد آفریدی کا کہنا تھا کہ پاکستانی ٹیم کو ٹاپ آرڈر میں پاور ہٹر کی ضرورت ہے، ہمیں پاور پلے میں واضح سوچ رکھنے والے بیٹرز کی ضرورت ہے اس لیے بابر کو تیسرے نمبر پر آنا چاہیے۔

انہوں نے بابر اعظم کو مشورہ دیا کہ مہربانی کر کے رضوان کے ساتھ حارث کو اوپنر کھلانے پر غور کریں اور آپ خود تیسرے نمبر پر آئیں اور  اس کے بعد  اپنے بہترین ہٹر کو بھیجیں۔

شاہد آفریدی نے کہا کہ آپ ٹیم میں افتخار احمد اور شان مسعود کو دیکھیں، ان کی باڈی لینگویج سے ہی پتا چلتا ہے کہ وہ ہٹنگ کے موڈ میں ہیں۔

انہوں نے کہا کہ آپ اوپننگ کرکے 30 سے 35 بال زیادہ کر دیتے ہیں جس میں 42 رنز تک ہی بن سکتے تو ایسے رنز کا کیا فائدہ؟۔

واضح رہے کہ اس وقت کپتان بابر اعظم ٹیم میں آؤٹ آف فارم ہیں، جبکہ شان مسعود، محمد حارث، افتحار احمد اور شاداب حان فل فارم میں ہیں، جس کی وجہ سے ٹیم سیمی فائنل تک پہنچ سکی ہے۔

یاد رہے کہ ٹی ٹوئنٹی ورلڈ کپ کا پہلا سیمی فائنل کل پاکستان اور نیوزی لینڈ کے مابین سڈنی کرکٹ گراؤنڈ میں کھیلا جائے گا، میچ پاکستانی وقت کے مطابق دوپہر ایک بجے شروع ہوگا۔

 

یہ بھی پڑھیں

سب سے زیادہ مقبول

Scan the code