اوتھل کے قریب سکھن کے مقام پر تیز رفتار مسافر کوچ الٹنے سے خواتین اور بچوں سمیت 14 افراد جاں بحق اور 12 زخمی ہوگئے ہیں۔ ذرائع کا کہنا ہے کہ حادثے میں جاں بحق افراد میں 5 خواتین، 2 بچے اور 7 مرد شامل ہیں جبکہ زخمیوں میں متعدد افراد کی حالت تشویشناک ہے۔ حادثے کا شکار ہونے والی بدقسمت مسافر کوچ پنجگور سے کراچی آرہی تھی۔
حادثے کے بعد لاشوں اور زخمیوں کو ڈسٹرکٹ ہیڈ کوارٹر اسپتال اوتھل منتقل کردیا گیا ہے جبکہ 4 شدید زخمیوں کو کراچی منتقل کردیا گیا ہے۔ ذرائع کے مطابق مسافر کوچ میں مزید افراد کے دبے ہونے کی بھی اطلاعات ہیں۔
